Avengers assemble!

May nakilala akong superhero,  mabait siya at maka-Diyos. Kahit superhero na siya may takot pa din siya sa Diyos. Superhero siya para sa akin dahil siya ang nagbigay ng trabaho ko ngayon, nagpalakas ng loob, nagbigay suporta, nature ng mga hindi ko alam na bagay, nangaral at tumulong sa akin. Katrabaho ko siya at semi boss ko siya sa pinapasukan naming kompanya. Semi-boss kasi parang siya ang kanang kamay ng boss namin. Siya din ang nag-interview sa akin noong nag-aapply pa ako. Pinag-apply ako ng kaibigan ko sa kumpanya na kapareho nilang pinapasukan. Salamat din sa kaibigan ko na pinag-apply niya ako dito. Kung hindi din dahil sa kanya hindi ko makakasalamuhawa at makakausap ang sinasabi kong superhero. Babansagan ko na lang siyang “Avenger”. Oo  Avenger kasi isa lang siya, pero pag madami AVENGERS. Tinanggap niya daw ako sa kumpanya dahil daw naniniwala siya na kaya ko at may galing daw ako. Humanga agad ako sa kanya dahil pinalakas niya agad ang loob ko. At doon na    ako nagsimula sa trabaho.

Nagsisimula na ako. Siya ang trainor ko. Siya ang nagtuturo ng mga bagay na mang-mang ako. Kahit inaantok ako sa mga turo niya kung minsan nagtyaga pa rin siya. Sadyang matalino talaga si Avenger at talentado. Hindi lang pala sa trabaho ang alam niyang gawin pati rin pala sa mga bagay-bagay at masasabi nating Gift of God. Hanga din ako sa pagiging positibo niya sa buhay. Kahit alam niyang may mga ilang tao ang “insecure” sa kanya, hindi siya nagpapaapekto at naka-ngiti pa rin siyang naglalakad sa  aming tanggapan. Hindi ko pa yata siyang nakikitang nagagalit at maghubad ng maskara para sabihing “GALIT AKO!”.

Masipag si Avenger, trabaho kung trabaho walang oras na dapat palipasin, walang reports na dapat ma-delay.  Kung minsan nga halos wala na siyang pahinga sa kakaisip para sa trabaho. Matalino din kasi si Avenger. Sa pagkakaalala ko Cumlaude siya sa unibersidad kung saan siya grumadweyt. Alam ko yung unibersidad na pinagtapusan niya yung may taong nakahubad, yung nagpapakita ng bird. Doon pa lang hahangaan mo na siya. Matatalino kasi ang mga estudyante doon sa pinagtapusan niya. At CUMLAUDE pa siya? San ka pa. Avenger na!

Ayaw niya din may napapahamak sa mga kaibigan niya (kaibigan niya kaya ako?). Noong unang buwan ko kasi, sa hindi inaasahang pagkakataon. Na ospital ako  at na operahan. Tinggal ang appendix ko. Ilang buwan ako nagpahinga at tumunganga sa bahay para magpagaling. Kahit wala ako sa opisina at nasa bahay lang, si Avenger ay nag-aalala din pala. Tinatanong niyang madalas kung kamusta ang lagay ko at huwag ko muna daw piliting pumasok dahil baka mamatay ako. At sa kanya ko din kaunaunahang narinig ang “All happens for a reason”. Naghanap pa ako ng dictionary para lang malaman ko ano meaning ng sinabi niya. ALL – lahat, Happens – nangyayari, For – para, A – sa, at Reason – dahilan. Yun pala yun. Sa wakas na gets ko din. Salamat Avenger.

Magaling din siyang magligtas ng mga ka grupo. Meron kaming grupo noon para sa sportfest ng kompanya at kailangan naming maki-isa. Siya ang tumayaon pinuno ng grupo. Gumagawa din siya ng paraan para lahat ng aming kagrupo ay lumahok. Isang magaling na leader si Avenger at yun siguro ang nagtulak sa amin sa tagumpay para makuha naming ang tropeyo(tagay sa tagumpay).

Hindi maiiwasan na may makalaban si Avenger na galing sa outer space of Netherland. Si Okra. Ang malditang bakla na asar na asar kay Avenger. Insecure siguro kay Avenger kasi mas magaling si Avenger kaysa sa kanya. Saksi ako sa mga laban nila noon. Minsan kapag wala si Avenger tumitira ng Superhotissuenovachuchu si Okra. Nagkwekwento si Okra para siraan si Avenger at bilang tagahanga ni Avenger, ngumiti na lang ako. Kung tutuusin wala naming ginagwang masama si Avenger para sabihin ni Okra ang mga kasiraan tungkol sa kanya. Malditang bakla lang siguro talaga siya at hindi gusto niyang talunin si Avenger. Napakabait talaga ni Avenger  dahil kahit kailan hindi siya nagalit kay Okra sa halip pinagdasal na lang niya ito.

Ngayon si Avenger ay hindi ko na katrabaho umalis na siya dito dahil tapos na ang misyon niya dito kailangan naman niya sigurong tulungan ang ibang nangangailangan ng tulong.

Salamat Avenger madami akong natutunan sa iyo. Ituloy mo lang nag paglipad para Makita mo ang happiness mo. Kung kailangan mo ng tulong magiging AVENGERS kami para sa iyo. AVENGERS ASSEMBLE! Sugod mga kapatid isigaw ang kasiyahan ng buhay!

para sa mga nagbasa nito, kung gusto mong maging katulad ni Avenger, maging superhero ka muna sa sarili mong buhay, ayusin mo ang buhay mo bago mo ayusin ang buhay ng iba.


~~Super isip ipis (janz)~~