Grapista

"Paano mo nagawa yang drawing na yan sa pader??" 

Isang tanong na nagpadilat sa akin, isang tanong na sumira sa natutulog kong diwa. Naguluhan ako ng marinig ko ang tanong na Paano ko daw nagawa ang drawing na yan sa pader, gusto ko sanang sagutin ng "syempre may kamay at utak ako" pero parang ang babaw ng ganun. Alam ko sa tanong nya gusto nya ng malalim na sagot sa malalim nyang tanong. Tinanong ko ang sarili ko, sabi ko, "Janz, Paano mo nagawa yan??, Siraulo ka ba??". Ang hirap sagutin ng tanong. Pero napag-isip ko, may talento ata ako. Siguro yun nga talaga ang sagot.

Sa pag-guhit sa pader o pag-pinta sa pader ay isang mahirap na gawain. Kelangan mo dito ng tyaga, talento, malawak na imahinasyon, at higit sa lahat kelangan mo ng tungtungan, paint brush, pintura, tubig, spraypaints, pagkain kung kinakailangan at pinaka importante ay ang lakas ng loob, lalo na kapag ilegal ang gagawin mong obra. Grapista ang tawag sa mga taong nagsusulat at nagpipinta sa pader o kahit san man sa lansangan gamit ang mga pintura, lalo na ang spray paints. Magastos ang gawaing ito, kealangan mo ng pondo para makabili ng mga spraypaints o kahit ano pang pwede gamitin sa pagpipinta. Ang iba sa mga artist na ito ay talagang mayayaman at may mga kaya sa buhay. Kaya nilang bumili ng mga gamit ng walang panghihinayang.

Ang mga Street Artist ay ang mga taong malalakas ang loob at mabibilis kumilos ang utak at ang kamay sa pag-pinta. Mas mabilis mas maliit ang pagkakataon na mahuli ng pulis o kahit sino man ang naroon. Kadalasang madaling araw ginagawa ang gawaing ito kung kailan mahimbing pa sa pagkakatulog ang mga tao.  Mas maganda mas kamangha-mangha para sa mga tao. Napakahirap ng gawaing ito dahil napapangunahan ng kamay ang utak at kadalasang hindi nagagawa ng maayos ang balak ipinta dahil napapangunahan ka ng takot at kaba. Sa madaling salita, napaka hirap magfocus sa ginawa at malamang hindi ganun kaganda ang kalalabasan. Pero kung nasabayan ng utak at bilis ng kamay ang kaba sa dibdib at takot makakagawa ka ng malupet na artwork sa lansangan. May mga nagsasabing may Gang ang mga artist na ito. Pero hindi lahat ay nasa Gang. ang iba dito ay para ilabas ang saloobin para sa Tiwaling Gobyerno tulad ng mga aktibista. Meron din naman na natural lang na Street artist. At meron ding Trip lang.

Sa Street art, Pwede kahit ano, pero ang kadalasan dito ay Characters o yung mga Drawing ng mga halimaw o ibang creatures na nagpapakilala na sila ang gumawa noon at meron din naman na Writers, ito yung mga Letters ang ginagawa depende sa Codename nila. Sa  pagsulat may ibat-ibang klase, tulad ng tags o simpleng sulat lang ng codename nila o Throw-ups, na malalaki at kalimitan ay may kulay ito.  Meron din naman ang mix, na parehong Letters at Characters ang ginagawa depende na lng sayo kung gusto mo. Kalimitan nadadaan sa Ganda ng kulay ang gawa, lalong-lalo na kung magaling kang mag kombina ng kulay sa gagawing painting. Ang iba naman sa detalye at ang iba detalye at pagkulay (yun ang malupet) pero pinaka malupet, konsepto+detalye+kulay = pinaka malupet!

ito na ang pinakasagot sa katanungan mo!

Naniniwala ako na kulang sa kulay ang mundo ng lansangan at kelangan itong pintahan para magkabuhay. Hindi masama ang Street art, ito ay ART, yun nga lang isang malaking canvass ang lansangan at pader.

Gusto ko din maging malupet! pero wag na lng pla. hehehe! tama na sa akin ang Mabait!

nasagot ko na kaya ang tanong niya?

~Janz,. (bahala na kayo umintindi, hahahaha)