Malaki ba ang problema mo?

Malaki ang aking problema basahin mo


PROBLEMA!

Oh di ba? Malaki?

Itong nag-daang araw ang dami kong problema at syempre hindi mawawala ang problema sa pera laging present yan pag-usapang problema. Lagi na lang pera ang nangunguna sa attendance sa problema. Pera na ata ang nagpapaikot sa tao at sa mundo. Sa pamilya pera din ang madalas pag-awayan ng mag-asawa. Kung wala kang pera malamang may problema ka at kung may pera ka man may problema ka pa rin. Hindi na yata natin matatakasan ang mga problema sa pera. Problema ang may pera ka, dahil problema mo kung saan dapat gastusin ang pera at kung wala ka namang pera, problema kung saan kukuha nito. Kung iisipin dapat unahin ang pangangailangan kaysa sa kagustuhan. Pero ang kadalasang nangyayari ay nauuna ang kagustuhan kaysa sa pangangailangan. Ayon sa professor ko noong nagaaral pa ako, unahin daw ang needs kaysa sa wants.

Utang na loob layuan mo ako utang! Nakakainis isipin ang mga utang mo. Masaya ka pag sasahod na at malungkot ka pagnaisip na ang utang. Para kanino at para saan ka ba nagtratrabaho? Ako para sa utang. Hanggang sa ngayon hindi pa rin ako nakakaipon. Nagkautang ako nung kelangan ko gumastos para sa trabaho, sa ospital (noong naospital ako) at umutang ako para pambayad utang. Ang kautangan ay nasa card din. Credit card. Sa pangalan pa lang ng card may utang ka na. Masaya mag-kaCredit card. Pwede ka kasi bumili ng items kahit wala kang pera. Yun nga lang hindi mo namamalayan na baon ka na pala sa utang. Naeenganyo ka bumili ng items na gusto mo kahit wala kang pera . pero sa kaduluhan baon ka na sa utang. Minsan ko na naisip na magkaroon ng ganun na card. Pero napagisip ko magkakautang at magkakautang lang ako pag nag karoon ako ng ganun.

Sa nabasa ko isang pocketbook na pang negosyante, bayaran mo muna daw ang sarili bago ang ibang bagay. Ibig sabihin, mag ipon muna bago bumili ng kung ano-ano. Sa ngayon hindi ko nagagawa ang ganyang bagay. Inuuna ko muna ang utang ko. Mas mabuti na sigurong walang utang. Walang utang walang problema. Maluwag sa dibdib.

Pautang naman ng kakayahan mong magbasa. Promise !, babayadan kita ng pagmamahal




~~janz~~ (lubog sa utang)