Tropang Texters

Panalo na naman ang Talk n' Text Tropang texters kagabi sa Big Dome. Magaling talaga ang team na yun. Pero ang tanong ko lang, totoo bang Texters ang mga player ng Talk n' Text Tropang Texters?. Kailangan bang Texters ka bago ka maging Player ng Talk n' Text?. Isipin mo na lang si Jimmy Alapag star player nila ang nag-text.

Jimmy Alapag : mGa tRhopA.. mAy PhWakTizS dHaw SaBi ni CoaCh.. PhupunTha VhWa kHeO??! AcoH PhUpHunTha. JEJEJE!

GM, Lil MHasTah JimMhY : >

Isipin mo ganyan sa team nila. Naisip mo na?? AnG VhAdOuy Noh??!
Bakit kaya kelangan pang pahabain o paartehin ang simpleng salita??
Bakit kaya kelangan pang baguhin ang Spell??
Bakit kelangan Maganda ang Design ng Text?

Para siguro sa mga kabataan na boring ngayon sa kung anong issue sa bansa, pinapaarte na lang nila ang spell sa pag-ti-text at nilalagyan ng mga burloloy ang mga salita o letra para magkaron ng buhay at hindi magmukhang suicide note ang message. Para din siguro ipakita sa ibang katext na Artist din sila sa larangan ng text.

Nauso din ang Clan sa Cellphone. Ito yung grupo ng mga masisipag magtext ng magtext. Kalimitan ang kasali dito ay mga kabataan at ang mga pasimuno ang mga medjo katandaan na naghahanap ng GF/BF (napansin ko lang.hehehe joke lng  yun). Meron din itong Pinuno o Clan Master at Meron din itong mga ibat-ibang position para sa ikauunlad ng Clan (parang promotion sa Kumpanya o di kaya parang PTA sa iskwelahan). Ang mga kasali dito ay may mga Codename at kelangan talaga ang aktibo sa pag-ti-text. kailangan din ang tags mo kung ano man ang gusto ong sabihin kasama ang codename. Kailangan din alam ng lahat ang nais mong sabihin ito ang tinatawag na "GM" oh Group Message. Malalaman mong GM ang text na iyon pag may nakalagay na "GM" sa last part ng text nila. Meron din "PM" Personal Message ito ay pangmag-Jowa, magbestfriend o di kaya pang-mag nanay. Meron din silang tinatawag na Eye-ball o"EB" for short. Ito ay ang pagkikita-kita sa isang lugar ng mga ka-Clan kalimitan inuman session ang nangyayari (minsan tirahan session din). Depende sa napagusapang araw, oras at lugar magkikita-kita ang buong myembro ng clan. Dito na sila magkakakilala-kilala at makakahanap ng pwedeng asawahin. Oo asawahin. Meron akong kaibigan ang mahilig sumali sa mga ganitong grupo at dito din siya nagkaka-girlfriend kadalasan at ngayon, ka-clan nya lang asawa na niya. (Love is in the Clan)

Minsan na rin akong sumali sa Clan trip lng. Ang code name ko ay "gagambala".
at laging nakalagay sa tags ko ang katagang "ako si gagambala at gagambalain ko kayo".
Saglit lang ako sa Clan as in saglit lang. Minsan pag-pasok ko sa Clan lahat sila nag welcome, syempre nagpasalamat ako at ang sabi ko "salamat sa nag-welcome, QUIT na ako". Ang daming naiinis at natuwa sa kagaguhan ko. Ayoko naman kasing sumali sa Clan. unang-una mabilis makalowbatt ng CP kasi maya't-maya ang text ng mga ka grupo. Istorbo sa gawain at gastos sa pangload para lang itext sa kanila kung ano ang ginagawa mo.

Meron akong kakilala na hindi naman ganun kagandahan, Social Climber lang talaga at inis na inis ako sa mga GM nyang walang kwenta (partida hindi na Clan ito). Nagtataka lang ako kung bakit kelangan pa niyang sabihin kung nasaan siya at kung anong kinakain at ginagawa niya. At napansin ko na lahat ng sinsabi niya ay pang sosyal na buhay. Hindi ko tuloy alam kung nagyayabang o nagsasabi lang siya ng totoo. Bakit kailangan pang sabihin na masarap ang kinakain niya at mamahalin at sabihin din ang magandang lugar at kung saan ang next na pupuntahan niya.Ganito ang kadalasan niyang sinasabi. kaibigan : "yum yum, Donut and Slurpee for merienda and I will buy Magnum chocolate ice cream (isang mamahaling ice cream na hindi man lang nagwelga ang mga tao at sa konting taas ng presyo ng langis, e welga na agad) GM. At ito pa. "Here at Tagaytay and tomorow will go to Bagiuo". Kailangan ba talaga ipamukha sa mga kaibigan o kung sino pang nasa phonebook ng CP niya ang mga ganung bagay. At kelangan siguro na mainggit ang mga kaibigan o kung sino pang nasa phonebook ng CP niya. Hindi ko alam kung nagyayabang o nang iinggit na nagsasabing "belat mahirap ka ako lang nakakagawa nito".

Isa pa pong kwento huwag ka muna matulog. Lalaki naman ito at kaibigan ko. Texters din. Itong lalaking ito ay mahilig naman magtext nang kung ano ang ginagawa at gagawin. tulad halimbawa nito. Tropa ko : "Wooooh! kakapagod, dito ako sa trabaho ngayon. Tpos na sa gawain at ngayon ay kumakain na ako. kain na din kayo. pagtapos ko kumain pupunta pa ako sa 2nd floor para mag papirma at at kakatok ako ng tatlong beses..   GM ". Araw-araw ganun ang gawain niya, "ang magtext ng gagawin at ginagawa". Ang tanong ko lang bakit pa kailangan sabihin sa mga kaibigan o kung sino pang nasa phonebook ng CP niya ang mga gagawin at ginagawa??. Para siguro ipaalam sa mga kaibigan o kung sino pang nasa phonebook ng CP niya na kaya niyang mag-multi-tasking. Biruin mo naglalaba habang nag-ti-text, o di kaya naliligo habang nag-te-text. Marahil Diary nya rin ang CP niya yun nga lang ang mga kaibigan o kung sino pang nasa phonebook ng CP niya ang mga readers.

Gamitin natin ang Cellphone sa matalinong paraan. Huwag sana tayong mag-aksaya ng panahon  sa mga walang kwentang text na hindi naman interesado kung sino man ang nasa phonebook ng CP nyo. Gamitin natin ang CP sa panliligaw, panloloko upang magkapera (joke lng), ikalat ang magandang balita, ikalat ang mga announcement at kahit ano pang alam nyong dapat ipasa sa iba. At hangat maari wag natin gamitin ang CP sa pagbibigay ng bomb treat na hindi naman natutuloy (nakakasira ng araw).


yun lang ang gusto kong sabihin

"aQhoe c GaGamBaLa at GhAgHamBhaLaiN CoH KeU!!


~~GM~~




>>>Janzisisipipis!